Төлбөртэй үйлчилгээний нөхцөл

1.1. Төлбөртэй үйлчилгээ нь дараах төрлүүдтэй байж болно:

• VIP зар;
• онцлох зар;
• зар дээгүүр гаргах;
• зар сэргээх;
• байгууллагын багц;
• олон зарын багц;
• AI зураг таних, автоматаар бөглөх багц;
• аудио командаар зар оруулах нэмэлт боломж;
• баннер болон сурталчилгааны байрлал.

1.2. Үйлчилгээний үнэ, хугацаа, харагдах байрлал, идэвхжих нөхцөлийг тухайн үед сайтад байршуулсан мэдээллээр тогтооно.

2.1. Төлбөртэй үйлчилгээ нь зарын харагдах боломжийг нэмэгдүүлэх зорилготой.

2.2. Компани дараах үр дүнг баталгаажуулахгүй:

• бараа зарагдах;
• хэрэглэгч заавал холбогдох;
• тодорхой тооны дуудлага, чат, үзэлт авах;
• тодорхой хугацаанд хэлцэл хийгдэх;
• AI туслах 100 хувь зөв таних.

3.1. Үйлчилгээ идэвхжсэн, зар нийтлэгдсэн, багц ашиглагдсан тохиолдолд хэрэглэгчийн шийдвэрээр төлбөр буцаахгүй.

3.2. Дараах тохиолдолд нөхөн үйлчилгээ, дансны үлдэгдэлд буцаалт, эсвэл төлбөр буцаах асуудлыг Компанийн шалгалтаар шийдвэрлэж болно:

• системийн алдаанаас үйлчилгээ огт идэвхжээгүй;
• нэг үйлчилгээний төлбөр давхар суутгагдсан;
• Компанийн буруутай техникийн доголдол батлагдсан.

3.3. Үйлчилгээний нөхцөл зөрчсөн, хориглосон зар нийтэлсэн, хууль бус агуулга байршуулсан тохиолдолд зар устгагдаж болох бөгөөд төлбөр буцаахгүй.

4.1. Багц үйлчилгээ нь заасан хугацаанд хүчинтэй байна.

4.2. Хэрэглэгч багцын хугацаа, үлдэгдэл, идэвхжүүлсэн зарын тоог өөрөө хянах үүрэгтэй.

4.3. Багцын хугацаа дууссан, хэрэглэгч ашиглаагүй үлдээсэн боломжийг нөхөн сунгахгүй. Харин Компанийн техникийн алдаа батлагдсан тохиолдолд нөхөн олгож болно.